भोलेनाथांसोबतच त्यांच्या वाहन नंदीच्या पूजेलाही हिंदू धर्मात खूप महत्त्व आहे. प्रत्येक शिवालयात महादेवासमोर नंदीची मूर्ती नक्कीच असते. महादेवाच्या दर्शनाप्रमाणेच नंदीचे दर्शन व पूजा करणे आवश्यक मानले गेले आहे.
शैव ग्रंथांमध्ये महादेवाचे वाहन नंदी हे भक्ती आणि शक्तीचे प्रतीक मानले जाते. नंदी हा भगवान शिवाच्या खास गणांपैकी एक आहे. त्याचे एक रूप म्हणजे महिश, ज्याला आपण बैल देखील म्हणतो. मंदिरात शिवाच्या पूजेबरोबरच नंदीची पूजा केली पाहिजे, अन्यथा भगवान शंकराची पूजा करण्याचे पुण्य प्राप्त होत नाही, अशी श्रद्धा आहे.हिंदू धर्मात प्रत्येक मंदिरात भगवान भोलेनाथासमोर नंदीची पूजा करण्याचा नियम आहे.
धार्मिक ग्रंथांनुसार, अनेकदा ध्यानात मग्न असलेल्या महादेवाने नंदीला आशीर्वाद दिला होता की, जर एखाद्या भक्ताने आपली इच्छा तुझ्या कानात सांगितली तर ती प्रार्थना माझ्यापर्यंत पोहोचेल. तेव्हापासून महादेव जेव्हा जेव्हा तपश्चर्या किंवा ध्यानात मग्न असत तेव्हा माता पार्वती नंदीच्या कानात आपले शब्द सांगत असे असे मानले जाते. म्हणूनच लोकं शिवाऐवजी नंदीच्या कानात आपल्या इच्छा बोलतात. नंदी हा शिव दरबाराचा द्वारपाल देखील मानला जातो. त्यांच्या परवानगीशिवाय कोणीही महादेवापर्यंत पोहोचू शकत नाही.
हिंदू धर्मग्रंथांनुसार, हनुमानाचा ज्या प्रकारे भगवान रामाशी संबंध आहे, त्याचप्रमाणे नंदीचा संबंध भगवान शिवाशी आहे. ज्याप्रमाणे हनुमानाची पूजा केल्याने भगवान श्रीरामाचा आशीर्वाद प्राप्त होतो, त्याचप्रमाणे नंदीची पूजा केल्याने देवांचा देव महादेवाचा आशीर्वाद प्राप्त होतो. म्हणूनच शिवालयात प्रवेश करताना भोलेनाथासोबत नंदीचीही पूजा करावी.
शिवलिंगाची पूजा केल्यानंतर नंदीसमोर दिवा अवश्य लावावा. यानंतर नंदी महाराजांची आरती करा आणि कोणाशीही न बोलता नंदीच्या कानात तुमची इच्छा सांगा.
नंदीच्या डाव्या कानात माणसाने आपली इच्छा सांगावी, असे मानले जाते. या कानात मनातली इच्छा सांगीतल्याने तुमची प्रार्थना महादेवापर्यंत पोहचते.जेव्हा तुम्ही तुमची इच्छा बोलता तेव्हा तुमचा चेहरा तुमच्या हातांनी झाकून घ्या जेणेकरून कोणीही तुमचे बोलणे ऐकू शकणार नाही. तुमची इच्छा गुप्त राहिली पाहिजे.
नंदीला तुमची इच्छा सांगताना त्याच्यासमोर फळे, फुले, प्रसाद इत्यादी काही भेटवस्तू द्या.
मित्रांनो वरील माहिती विविध स्त्रोतांच्या आधारे एकत्रित करण्यात आली आहे. याचा कोणीही अंधश्रद्धेशी संबंध जोडू नये ही विनंती. अशाच प्रकारची माहिती मिळवण्यासाठी आमचे पेज आताच लाईक करा आणि शेअर करायला विसरू नका.
