हिंदू धर्मात एकादशी तिथीला विशेष महत्त्व असते. तर प्रत्येक महिन्याला येणारी एकादशी ही भगवान विष्णूंना समर्पित असते. तसेच प्रत्येक महिन्यात दोन एकादशी तिथी येत असल्याने एका वर्षात एकूण २४ एकादशी येतात. त्यामुळे प्रत्येक एकादशी विशेष आणि प्रत्येकाचे स्वतःचे महत्त्व आहे. फाल्गुन महिन्याच्या शुक्ल पक्षात येणाऱ्या एकादशीला आमलकी एकादशी म्हणतात. आमलकी एकादशीच्या दिवशी उपवासासह भगवान श्री हरि विष्णू आणि आवळा वृक्षाची पूजा केली जाते. यावर्षी आमलकी एकादशी मार्चमध्ये येईल. यावेळेस मार्चमध्ये आमलकी एकादशीचे व्रत कधी पाळले जाईल तसेच योग्य तारीख आणि पूजा करण्याची पद्धत कोणती आहे? ते जाणून घ्या
आमलकी एकादशी कधी आहे?
हिंदू कॅलेंडरनुसार, फाल्गुन महिन्याच्या शुक्ल पक्षातील एकादशी तिथी ९ मार्च रोजी सकाळी ७:४५ वाजता सुरू होईल आणि १० मार्च रोजी सकाळी ७:४४ वाजता एकादशी तिथी संपणार आहे. याप्रमाणे उदयतिथीनुसार, आमलकी एकादशीचे व्रत १० मार्च रोजी ठेवण्यात येणार आहे. या दिवशी त्याचे व्रत पाळले जाईल.
व्रत पारण वेळ
११ मार्च रोजी पारण वेळ – सकाळी ०६ वाजून ३५ मिनिटांपासून ०८ वाजून १३ मिनिटांपर्यंत असेल. पारणा तिथीच्या दिवशी द्वादशी समाप्तीची वेळ सकाळी ०८ वाजून १३ मिनिटांची आहे.
आमलकी एकादशी पूजा पद्धत
आमलकी एकादशीच्या दिवशी सकाळी लवकर उठून स्नान करावे.
यानंतर भगवान विष्णूचे ध्यान करताना उपवास करण्याचा संकल्प करावा.
त्यानंतर विधीनुसार भगवान विष्णूची पूजा करावी.
पूजेदरम्यान भगवान विष्णूला पिवळी फुले आणि हार अर्पण करावीत. देवाला पिवळे चंदन लावावे.
भगवान विष्णूसमोर तुपाचा दिवा आणि धूप लावावा.
एकादशी व्रत कथा आणि चालीसा पठण करावे.
देवाला नेवैद्य अर्पण करावे. तसेच तुळशीची पाने अर्पण करा.
त्यानंतर देवाची आरती करावी.
या दिवशी आवळ्याच्या झाडाचीही पूजा करावी. कारण आमलकी एकादशी असल्याने या दिवशी आवळ्याच्या झाडाला विशेष महत्व आहे.
आमलकी एकादशीचे महत्त्व
हिंदू धार्मिक शास्त्रांमध्ये असे म्हटले आहे की आमलकी एकादशीचे व्रत केल्याने शेकडो तीर्थयात्रा आणि अनेक यज्ञांचे पुण्य मिळते. हिंदू मान्यतेनुसार, या दिवशी आमलकी एकादशीचे व्रत करणाऱ्या आणि भगवान विष्णूची पूजा करणाऱ्यांचे सर्व पाप नष्ट होतात. या दिवशी उपवास आणि भगवान विष्णूची पूजा केल्याने, मृत्यूनंतर मोक्ष आणि हरीच्या चरणी स्थान मिळते. आमलकी एकादशीच्या दिवशी उपवास आणि पूजा केल्याने जीवनातील सर्व संकटे दूर होतात. तसेच, जीवनात आनंद, समृद्धी आणि शांती येते.
