वैदिक ज्योतिषशास्त्रानुसार प्रत्येक ग्रह काही ठरावीक काळाने एका राशीतून दुसऱ्या राशीत प्रवेश करीत असतो. ग्रहांच्या राशिबदलाने मानवी जीवनात शुभ-अशुभ गोष्टी घडतात. काही ग्रहांचा राशिबदल काही राशींसाठी शुभ ठरतो; तर काही राशींवर त्याचा अशुभ परिणाम दिसून येतो. आता शुक्र ग्रहाने मिथुन राशीत प्रवेश केला असून, तो मार्च २०२५ पर्यंत याच राशीत राहणार आहे. अशा स्थितीत शुक्राच्या उदयाचा प्रभाव सर्व राशींच्या लोकांवर दिसून येईल. पण अशा तीन राशी आहेत; ज्यांचे नशीब या काळात चमकू शकते. तसेच, त्यांच्या संपत्तीतही अफाट वाढ होऊ शकते. चला तर मग जाणून घेऊ या भाग्यशाली राशी कोणत्या आहेत.
वृषभ
शुक्राचा मिथुन राशीतील प्रवेश वृषभ राशीसाठी फायदेशीर ठरू शकतो. कारण- शुक्र ग्रह वृषभ राशीचा स्वामी आहे. त्यामुळे या काळात तुम्हाला सुख-सुविधा मिळू शकतात. तसेच तुम्ही स्वतःला कामाच्या बाबतीत मजबूत स्थितीत पाहाल आणि सर्व प्रकारच्या परिस्थितींना तोंड देण्यास पूर्णपणे सक्षम होऊ शकता. यावेळी विवाहित लोकांचे वैवाहिक जीवन आनंदी राहण्याची शक्यता आहे. तसेच, या काळात तुमच्या जोडीदाराची प्रगती होऊ शकते. वाहने आणि मालमत्ता खरेदी ही उत्तम संधी असू शकते. तसेच जे अविवाहित आहेत, त्यांना लग्नाचे प्रस्ताव येऊ शकतात.
कुंभ
या राशीच्या लोकांसाठी शुक्राचा राशिबदल शुभ सिद्ध ठरू शकतो. या काळात तुम्हाला तुमच्या मुलाशी संबंधित काही चांगली बातमी मिळू शकते. नोकरदार लोक यावेळी फक्त त्यांच्या कामावर लक्ष केंद्रित करतील आणि त्यांचे करिअर पुढे नेऊ शकतील. तुम्हाला वेळोवेळी अनपेक्षित आर्थिक लाभ मिळू शकतात. तसेच, जर तुमचे प्रेमसंबंध चालू असतील, तर तुम्हाला त्यात यश मिळू शकते. प्रेमसंबंधांचे रूपांतर विवाहात होऊ शकते. यावेळी तुम्हाला भौतिक सुखदेखील मिळू शकते.
मेष
शुक्राचा उदय मेष राशीसाठी अनुकूल ठरू शकतो. या काळात तुम्हाला वेळोवेळी अनपेक्षित आर्थिक लाभ मिळू शकतात. तुमची बुद्धिमत्ता व कौशल्याची पातळी वाढेल आणि त्यामुळे तुम्हाला अतिरिक्त पैसे कमावण्याची संधी मिळवून देऊ शकते. तसेच, या काळात तुम्ही पैशांची बचत करण्यात यशस्वी होऊ शकता. नोकरदार लोकांना पदोन्नती मिळू शकते.
