२०२३ संपून २०२४ हे नवं वर्ष सुरू होण्यासाठी अवघे काही दिवस उरले आहेत. ज्योतिष शास्त्रानुसार, नवीन वर्षात अनेक शुभ योगांच्या निर्मितीसह लाभ आहे. वैदिक ज्योतिषशास्त्रानुसार, मानवी जीवनावर ग्रहांचा विशेष प्रभाव पडत असतो. सर्व ग्रह ठराविक काळानं आपली राशी बदलतात. यातच नवीन वर्षाच्या सुरुवातीलाच शुक्र देव मेष राशीत गोचर करणार आहेत. जिथे आधीपासून देवगुरु विराजमान आहेत. यातच या दोन्ही ग्रहांचा संयोग होत असल्याने शुभ योग घडून येत आहे. त्यामुळे येत्या नवीन वर्षाच्या सुरुवातीपासूनच काही राशींना सुख, समृध्दी, अपार यश, पैसा मिळण्याची शक्यता आहे. चला तर पाहूया कोणत्या आहेत या भाग्यशाली राशी…
२०२४ मध्ये ‘या’ राशींचे सुखाचे दिवस?
मिथुन राशी
मिथुन राशीचे लोक खूप मेहनती असतात. २०२४ मध्ये त्यांना त्यांच्या मेहनतीचं फळ मिळू शकते. शुक्रदेव आणि देवगुरुच्या कृपेने धनलाभ होण्याची शक्यता आहे. त्यांच्याकडे पैसा येण्याची शक्यता आहे. नवीन वर्षात आर्थिक अडचणी दूर होऊन या राशीच्या लोकांच्या आयुष्यात बरेच बदल होऊ शकतात. व्यवसायात आनंदाची बातमी मिळू शकते. कामाच्या ठिकाणी प्रमोशन होऊ शकतं. घर वाहन खरेदीचा योगही जुळून येऊ शकतो. अप्तप्रप्तीची इच्छा असलेल्या लोकांना चांगली बातमी मिळू शकते.
कर्क राशी
शुक्र आणि देव गुरुची युती कर्क राशीच्या लोकांसाठी फायदेशीर ठरु शकते. नशिबाची साथ मिळाल्याने प्रत्येक कामात यश मिळण्याची शक्यता आहे. व्यापारातील विस्ताराच्या दृष्टीने केलेल्या योजना यशस्वी होऊ शकतात. तुम्ही तुमच्या करिअरमध्ये खूप पुढे जाऊ शकता. नोकरीमध्ये तुमच्या कामाचे कौतुक होण्याची शक्यता आहे. नोकरीच्या ठिकाणी तुम्हाला मोठ्या जबाबदाऱ्या मिळू शकतात. या काळात भरपूर पैसे कमावण्याची संधी मिळू शकते. न्यायालयीन प्रकरणांमध्ये यश मिळू शकते.
सिंह राशी
सिंह राशीच्या लोकांना शुक्र आणि देव गुरुची युती बनल्याने अपार यश मिळण्याची शक्यता आहे. रोजगारात आर्थिक लाभ होऊ शकतो. व्यवसायात प्रगती होण्याची शक्यता असून उत्पन्नाचे नवीन स्रोत निर्माण होऊ शकतात. अचानक आर्थिक लाभाची संधी मिळू शकते. पैशाशी संबंधित सर्व समस्या संपुष्टात येऊ शकतात. भौतिक सुखसोयी वाढण्याची शक्यता आहे. परदेशात जाण्याची संधी मिळू शकते. २०२४ मध्ये नोकरी बदलण्याची इच्छा देखील पूर्ण होऊ शकते.
