सनातन धर्मात पौर्णिमेचे खूप महत्त्व मानले जाते. विशेषत: जेव्हा ज्येष्ठ महिन्यात पौर्णिमा असते तेव्हा त्याचे स्वतःचे एक वेगळे महत्त्व असते.हिंदू पंचांगानुसार, पौर्णिमेचा पर्व ज्येष्ठ (जेष्ठ) महिन्यात साजरा केला जातो. यंदा हा पर्व आज 3 आणि उद्या 4 जून रोजी आहे. धार्मिक मान्यतेनुसार या दिवशी गंगेत स्नान करून दान केल्याने पुण्य प्राप्त होते. या पौर्णिमेला दान आणि स्नान वेगवेगळ्या तिथींना होईल.
इतकेच नाही तर एखाद्याच्या कुंडलीत चंद्र दोष असेल किंवा चंद्र कमजोर असेल तर या दिवशी पूजा केल्याने सर्व संकटे दूर होतात. तर मग पौर्णिमेच्या दिवशी पूजा कशी करावी आणि शुभ मुहूर्त कोणता आहे, प्रत्येक इच्छा कशी पूर्ण होईल हे जाणून घेऊयात.
उत्तर प्रदेशातील अयोध्येतील ज्योतिषाचार्य पंडित कल्की राम सांगतात की, वर्षभरात अनेक पौर्णिमेच्या तिथी असतात, पण ज्येष्ठ महिन्यातील पौर्णिमेला वेगळे महत्त्व असते. ज्योतिषशास्त्रानुसार या वर्षी पौर्णिमा दोन दिवस साजरी होणार आहे.
एका दिवशी उपवास आणि दुसऱ्या दिवशी स्नान आणि ध्यान असेल. आज म्हणजेच 3 जून रोजी पौर्णिमा सकाळी 11:16 वाजता सुरू होईल आणि दुसऱ्या दिवशी 4 जून रोजी सकाळी 9:11 वाजता समाप्त होईल. मात्र, पौर्णिमेचे व्रत 3 जून रोजीच पाळले जाणार आहे. याशिवाय 4 जून रोजी गंगा स्नान आणि दान केले जाणार आहे.
जर तुम्ही ज्येष्ठ पौर्णिमेला व्रत करत असाल तर सर्वप्रथम तुम्ही सूर्योदयापूर्वी उठून स्नान करावे. त्यानंतर व्रत करण्याचा संकल्प करा. तसेच विधिनुसार धूप, दिवा आणि अक्षताने पूजा करावी. या दिवशी सत्यनारायणाची पूजा करणे अत्यंत शुभ मानले जाते.
या दिवशी दही, तांदूळ, पांढरे वस्त्र, पांढरे फूल दान करावे. याशिवाय जर तुम्ही चंद्राशी संबंधित वस्तू दान करत असाल तर तुमच्या कुंडलीत चंद्र बलवान होईल. चंद्राला संध्याकाळी जलासह अर्घ्य अर्पण करावे. त्यात दूध, साखर, तांदूळ, फुले मिसळावी. या पद्धतीने चंद्र देवाची पूजा केल्यास चंद्र देव प्रसन्न होतो आणि चंद्र दोषापासून मुक्ती मिळते.
या मंत्राचा करा जाप – जर तुम्ही ज्येष्ठ पौर्णिमेचे व्रत पाळत असाल आणि या दिवशी देवी महालक्ष्मीला प्रसन्न करायचे असेल तर “ॐ श्रीं श्रीये नम:” या मंत्राचा जप करा. यामुळे माता प्रसन्न होते.
मित्रांनो वरील माहिती विविध स्त्रोतांच्या आधारे एकत्रित करण्यात आली आहे. याचा कोणीही अंधश्रद्धेशी संबंध जोडू नये ही विनंती. अशाच प्रकारची माहिती मिळवण्यासाठी आमचे पेज आताच लाईक करा आणि शेअर करायला विसरू नका.
